കൊ​ച്ചി: കൂ​ട​ത്താ​യി കൊ​ല​പാ​ത​ക പ​ര​ന്പ​ര​യി​ല്‍ കൊ​ല്ല​പ്പെ​ട്ട​വ​രു​ടെ മൃ​ത​ദേ​ഹാ​വ​ശി​ഷ്ട​ങ്ങ​ളി​ല്‍ സ​യ​നൈ​ഡി​ന്‍റെ അം​ശം ക​ണ്ടെ​ത്താ​നാ​യി​ല്ലെ​ന്നു പോ​ലീ​സ്. റീപോസ്റ്റുമാർട്ടത്തി​ന്‍റെ അ​ടി​സ്ഥാ​ന​ത്തി​ല്‍ ഹൈ​ക്കോ​ട​തി​യി​ല്‍ സ​മ​ര്‍​പ്പി​ച്ച റി​പ്പോ​ര്‍​ട്ടി​ലാ​ണു പോ​ലീ​സി​ന്‍റെ പ​രാ​മ​ര്‍​ശം. കേസിൽ പ്രതിയായ പ്രജികുമാറിന്‍റെ ജാമ്യാപേക്ഷ കോടതി പരിഗണിക്കുമ്പോഴാണ് അന്വേഷണസംഘം ഇക്കാര്യം അറിയിച്ചത്.

മ​ര​ണ​ങ്ങ​ളു​ടെ കാ​ല​പ്പ​ഴ​ക്ക​ത്തി​ല്‍ സ​യ​നൈ​ഡി​ന്‍റെ അം​ശം അ​പ്ര​ത്യ​ക്ഷ​മാ​യെ​ന്നു പ​റ​ഞ്ഞ പ്രോ​സി​ക്യൂ​ഷ​ന്‍, കൊ​ല്ല​പ്പെ​ട്ട റോ​യ് മാ​ത്യു​വി​ന്‍റെ മൃ​ത​ദേ​ഹ​ത്തി​ല്‍ ആ​ദ്യ പോ​സ്റ്റ്മോ​ര്‍​ട്ട​ത്തി​ല്‍ സ​യ​നൈ​ഡി​ന്‍റെ അം​ശം ക​ണ്ടെ​ത്തി​യ​തു ചൂ​ണ്ടി​ക്കാ​ട്ടി. ജോ​ളി​യു​ടെ വീ​ട്ടി​ല്‍ നി​ന്ന് സ​യ​നൈ​ഡ് ക​ണ്ടെ​ത്തി​യെ​ന്നും പ്ര​തി​ക​ള്‍​ക്കെ​തി​രെ ശ​ക്ത​മാ​യ തെ​ളി​വു​ണ്ടെ​ന്നും പോ​ലീ​സ് കോ​ട​തി​യെ അ​റി​യി​ച്ചു. പ്രജി കുമാറിന് ജാമ്യം നൽകരുതെന്നും പ്രോസിക്യൂഷൻ കോടതിയോട് ആവശ്യപ്പെട്ടു. 

അതേസമയം, ടോം തോമസ് കൊലപാതകക്കേസിൽ ജോളിയുടെ പൊലീസ് കസ്റ്റഡി കാലാവധി രണ്ട് ദിവസം കൂടി നീട്ടി. കസ്റ്റഡി കാലാവധി അഞ്ച് ദിവസം നീട്ടി നൽകണമെന്നായിരുന്നു കേസന്വേഷിക്കുന്ന കുറ്റ്യാടി സി ഐ താമരശേരി കോടതിയിൽ ആവശ്യപ്പെട്ടത്. ഇത് അനുവദിച്ചില്ലെങ്കിൽ അന്നമ്മ കൊലപാതകക്കേസിൽ ജോളിയെ അറസ്റ്റ് ചെയ്യാനുള്ള അനുമതി തേടാനായിരുന്നു പൊലീസിന്‍റെ നീക്കം. 
 

കൊവിഡ് -19, പുതിയ വാര്‍ത്തകളും സമ്പൂര്‍ണ്ണ വിവരങ്ങളും അറിയാന്‍ ഇവിടെ ക്ലിക്ക് ചെയ്യുക