ചൈനീസ് ടെക് ഭീമനായ വാവേയ് പുതിയ ഫോണുകൾ അവതരിപ്പിക്കാനിരിക്കെ ഗൂഗിളിന്റെ മുന്നറിയിപ്പ്

ചൈനീസ് ടെക് ഭീമനായ വാവേയ് പുതിയ ഫോണുകൾ അവതരിപ്പിക്കാനിരിക്കെ ഗൂഗിളിന്റെ മുന്നറിയിപ്പ്. വാവേയ് മൊബൈൽ സർവീസ് (എച്ച്എംഎസ്) പവർ ഫോണുകൾ ഉടൻ തന്നെ പുറത്തിറങ്ങും. എന്നാൽ, വാവേയുടെ പുതിയ ഫോണുകളിൽ ആപ്ലിക്കേഷനുകൾ സൈഡ് ലോഡ് ചെയ്യുന്നതിനെതിരെയാണ് ഉപയോക്താക്കൾക്ക് ഗൂഗിൾ മുന്നറിയിപ്പ് നൽകിയിരിക്കുന്നത്. വാവേയ് ഫോണുകളിൽ ഗൂഗിൾ സേവനങ്ങൾക്ക് വിലക്കുണ്ട്. ഈ സാഹചര്യത്തിൽ മറ്റു വഴികളിലൂടെ ഫോണിൽ ആൻഡ്രോയിഡ് ആപ്പുകൾ ഇൻസ്റ്റാൾ ചെയ്യുന്നതിനെതിരെയാണ് ഗൂഗിൾ മുന്നറിയിപ്പ് നൽകുന്നത്.

തേർഡ് പാർട്ടി ആപ്ലിക്കേഷൻ സ്റ്റോറുകളിൽ നിന്ന് ആൻഡ്രോയിഡ് ആപ്പുകൾ ഡൗൺലോഡുചെയ്യുന്നതിന്റെ സുരക്ഷാ പ്രത്യാഘാതങ്ങളെക്കുറിച്ചാണ് മൊബൈൽ ഓപ്പറേറ്റിങ് സിസ്റ്റത്തിന്റെ സ്രഷ്‌ടാവ് ഉപയോക്താക്കളെ ഓർമ്മപ്പെടുത്തുന്നത്. ഇതിനുപുറമെ, ആപ്ലിക്കേഷനുകളും സേവനങ്ങളും ഗൂഗിൾ പ്ലേയിൽ നിന്നോ മറ്റേതെങ്കിലും ആപ്ലിക്കേഷൻ സ്റ്റോറിൽ നിന്നോ ഡൗൺലോഡുചെയ്യാൻ ലഭ്യമല്ലെന്നും അവ സൈഡ്‌ലോഡു ചെയ്യുന്നതിനെതിരെ മുന്നറിയിപ്പ് നൽകുന്നുവെന്നും ഇത് വാവേയ് ഫോൺ ഉപയോക്താക്കളെ ഓർമ്മപ്പെടുത്തുന്നുണ്ട്.

ഗൂഗിൾ സേവനങ്ങളും ആപ്ലിക്കേഷനുകളും ഉപയോഗിക്കുന്നതിൽ നിന്ന് യുഎസ് സർക്കാരിന്റെ നിരോധനത്തെത്തുടർന്ന് പുതിയ എച്ച്എംഎസ് പവർ ഫോണുകൾ പുറത്തിറക്കാൻ വാവേയ് തയാറെടുക്കുകയാണ്. ഇതിനിടെയാണ് ഗൂഗിളിന്റെ മുന്നറിയിപ്പുകൾ വരുന്നത്. ഫോണിലെ ഉപയോക്തൃ ഡേറ്റാ സ്വകാര്യത, സുരക്ഷ, മൊത്തത്തിലുള്ള അനുഭവം എന്നിവ പരിരക്ഷിക്കുന്നതിന് ഗൂഗിൾ പ്ലേ സ്റ്റോർ, ഗൂഗിൾ പ്ലേ പ്രൊറ്റക്ട്, ഗൂഗിളിന്റെ പ്രധാന ആപ്ലിക്കേഷനുകൾ (ജിമെയിൽ, യുട്യൂബ്, മാപ്പുകൾ എന്നിവയും മറ്റുള്ളവയും ഉൾപ്പെടെ) പ്ലേ പ്രൊറ്റക്ട് സർട്ടിഫൈഡ് ഉപകരണങ്ങളിൽ മാത്രമേ ലഭ്യമാകൂ.

യുഎസ് സർക്കാർ നിയന്ത്രണങ്ങൾ കാരണം കഴിഞ്ഞ വർഷം മെയ് 16ന് ശേഷം പുതിയ വാവേയ് ഉപകരണ മോഡലുകൾ പൊതുജനങ്ങൾക്ക് ലഭ്യമാക്കിയിട്ടുണ്ട്. മാത്രമല്ല, ഇപ്പോൾ വാവേയുടെ പുതിയ ഫോണുകളിൽ ഗൂഗിളിന്റെ ആപ്ലിക്കേഷനുകളും സേവനങ്ങളും ഉപയോഗിക്കാൻ കഴിയില്ലെന്നും ആൻഡ്രോയിഡ്, പ്ലേ ലീഗൽ ഡയറക്ടർ ട്രിസ്റ്റൻ ഓസ്ട്രോവ്സ്കി പറഞ്ഞു. എച്ച്‌എം‌എസ് അവതരിപ്പിക്കുന്നതിലൂടെ ഗൂഗിളിന്റെ സേവന സ്യൂട്ടുകളിൽ നിന്ന് മാറാൻ വാവേയ് ശ്രമിക്കുന്ന സമയത്താണ് ഈ മുന്നറിയിപ്പ് വരുന്നത് എന്നത് ശ്രദ്ധേയമാണ്. ഗൂഗിളിന്റെ പ്ലേ പ്രൊട്ടക്റ്റ് സർട്ടിഫിക്കറ്റ് നൽകുന്ന ആപ്ലിക്കേഷനുകൾ മാറ്റിസ്ഥാപിക്കുന്നതിനായി എച്ച്‌എം‌എസ് ഒരു കൂട്ടം ആപ്ലിക്കേഷനുകൾ കൊണ്ടുവരുമെന്നും വാഗ്ദാനം ചെയ്യുന്നുണ്ട്.



കൊവിഡ് -19, പുതിയ വാര്‍ത്തകളും സമ്പൂര്‍ണ്ണ വിവരങ്ങളും അറിയാന്‍ ഇവിടെ ക്ലിക്ക് ചെയ്യുക

Comments

ഇവിടെ കൊടുക്കുന്ന അഭിപ്രായങ്ങള്‍ ഗോവാ മലയാളിയുടെതല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.

മലയാളത്തിൽ എഴുതുവാൻ ഇവിടെ ക്ലിക്ക് ചെയ്യുക.