ന്യൂഡല്‍ഹി: ബ്ളൂംബെര്‍ഗിന്റെ ശതകോടീശ്വര പട്ടികയില്‍ വാറന്‍ ബഫറ്രിനെ പിന്നിലാക്കി റിലയന്‍സ് ഇന്‍ഡസ്‌ട്രീസ് ചെയര്‍മാന്‍ മുകേഷ് അംബാനി. 6,​990 കോടി ഡോളറിന്റെ (5.25 ലക്ഷം കോടി രൂപ)​ ആസ്‌തിയുമായി ഏഴാം സ്ഥാനത്താണ് മുകേഷ്. എട്ടാംസ്ഥാനത്തുള്ള ബഫറ്റിന്റെ ആസ്‌തി 6,​860 കോടി ഡോളര്‍ (5.15 ലക്ഷം കോടി രൂപ)​. ബെര്‍ക്ക്‌ഷെയര്‍ ഹാത്ത്‌വേയുടെ ചെയര്‍മാനായ വാറന്‍ ബഫറ്റ് ആദ്യമായാണ് എട്ടാംസ്ഥാനത്തേക്ക് വീഴുന്നത്.

2012ലാണ് ബ്ളൂംബെര്‍ഗ് ശതകോടീശ്വര പട്ടിക പുറത്തുവിട്ടു തുടങ്ങിയത്. അന്നുമുതല്‍ കഴിഞ്ഞമാസം വരെ,​ ടോപ് 5നുള്ളിലെ നിറസാന്നിദ്ധ്യമായിരുന്നു 89കാരനായ ബഫറ്റ്. സന്നദ്ധസേവനങ്ങള്‍ക്കായി ആസ്‌തിയിലെ നിശ്‌ചിത തുക മാറ്റിവയ്ക്കുന്നതിനാലാണ് ബഫറ്റിന്റെ റാങ്ക് താഴുന്നത്.

റിലയന്‍സിന്റെ ഡിജിറ്റല്‍/ടെലികോം വിഭാഗമായ ജിയോയിലേക്ക് വിദേശ നിക്ഷേപം വന്‍തോതില്‍ ഒഴുകിയതാണ് മുകേഷ് അംബാനിക്ക് നേട്ടമായത്.

കൊവിഡ് -19, പുതിയ വാര്‍ത്തകളും സമ്പൂര്‍ണ്ണ വിവരങ്ങളും അറിയാന്‍ ഇവിടെ ക്ലിക്ക് ചെയ്യുക