വിശ്വസ്തനെ ഡ്രൈവറാക്കാന്‍ സമ്മതിച്ചില്ല; ഔദ്യോഗിക വാഹനം ഉപേക്ഷിച്ച്‌ നഗരസഭ ചെയര്‍മാന്‍ സൈക്കിളിലെത്തി

ആലപ്പുഴ: നഗരസഭ ചെയര്‍മാന്‍ വിശ്വസ്തനായ ആളെ ഡ്രൈവറാക്കിയ നടപടിയില്‍ വിയോജിപ്പ് രേഖപ്പെടുത്തി കൗണ്‍സില്‍ യോഗം. മാവേലിക്കര നഗരസഭ ചെയര്‍മാന്‍റെ ഡ്രൈവര്‍ നിയമനമാണ് കൗണ്‍സില്‍ യോഗം തടഞ്ഞത്. ഇതേത്തുടര്‍ന്ന് ഔദ്യോഗിക വാഹനം ഉപേക്ഷിച്ച്‌ യാത്ര സൈക്കിളിലാക്കിയിരിക്കുകയാണ് ചെയര്‍മാന്‍ കെ.വി ശ്രീകുമാര്‍.

തനിക്ക് വിശ്വസ്തനായ ആളെ ഡ്രൈവറായി നിയമിക്കാന്‍ അനുവദിക്കില്ലെങ്കില്‍ ഔദ്യോഗിക വാഹനം വേണ്ടെന്നാണ് ശ്രീകുമാറിന്‍റെ നിലപാട്. കൗണ്‍സില്‍ യോഗത്തിനുശേഷം ഔ​ദ്യോ​ഗി​ക വാ​ഹ​ന​ത്തി​ന്റെ താ​ക്കോ​ല്‍ ന​ഗ​ര​സ​ഭാ സെ​ക്ര​ട്ട​റി​ക്ക് തി​രി​കെ ന​ല്‍​കി​യ ചെ​യ​ര്‍​മാ​ന്‍ സു​ഹൃ​ത്തി​ന്റെ സ്‌​കൂ​ട്ട​റി​ല്‍ വീ​ട്ടി​ലേ​ക്ക് മ​ട​ങ്ങു​ക​യാ​യി​രു​ന്നു. പിറ്റേദിവസം സൈക്കിളിലാണ് അദ്ദേഹം നഗരസഭ ഓഫീസിലെത്തിയത്. -

ചൊ​വ്വാ​ഴ്ച ന​ട​ന്ന കൗ​ണ്‍​സി​ല്‍ യോ​ഗ​ത്തി​ലാ​യി​രു​ന്നു പ്ര​ശ്ന​ങ്ങ​ളു​ടെ തു​ട​ക്കം. പി​എ​സ്‌​സി വ​ഴി​യു​ള​ള ഡ്രൈ​വ​റു​ടെ അ​ഭാ​വ​ത്തി​ല്‍ ന​ഗ​ര​സ​ഭാ ചെ​യ​ര്‍​മാ​ന്‍ നി​യോ​ഗി​ച്ച ഡ്രൈ​വ​റെ അം​ഗീ​ക​രി​ക്കാ​ന്‍ എ​ഡി​എ​ഫ്, ബി​ജെ​പി കൗ​ണ്‍​സി​ല​ര്‍​മാ​ര്‍ തയ്യാറായില്ല.

നഗരസഭയില്‍ പി.എസ്.സി നിയമിച്ച രണ്ടും താല്‍ക്കാലികക്കാരായി നാലും ഡ്രൈവര്‍മാര്‍ ഉള്ളപ്പോള്‍ പുതിയൊരാളെ കൂടി നിയമിക്കേണ്ടതില്ലെന്നാണ് എല്‍ഡിഎഫ്, ബിജെപി അംഗങ്ങള്‍ പറയുന്നത്. ഭൂ​രി​പ​ക്ഷ​ത്തി​ന്റെ വി​യോ​ജി​പ്പി​നെ തു​ട​ര്‍​ന്ന് ഡ്രൈ​വ​ര്‍ നി​യ​മ​നം എ​ന്ന അ​ജ​ണ്ട പാ​സാ​ക്കു​വാ​ന്‍ ക​ഴി​ഞ്ഞി​ല്ല.

കൊവിഡ് -19, പുതിയ വാര്‍ത്തകളും സമ്പൂര്‍ണ്ണ വിവരങ്ങളും അറിയാന്‍ ഇവിടെ ക്ലിക്ക് ചെയ്യുക

Comments

ഇവിടെ കൊടുക്കുന്ന അഭിപ്രായങ്ങള്‍ ഗോവാ മലയാളിയുടെതല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.

മലയാളത്തിൽ എഴുതുവാൻ ഇവിടെ ക്ലിക്ക് ചെയ്യുക.

This is Rising!