രാജ്യത്ത്​ 14,545 പേര്‍ക്ക്​ കൂടി കോവിഡ്​; വാക്​സിന്‍ സ്വീകരിച്ചത്​ 10,43,534 പേര്‍

ന്യൂഡല്‍ഹി: രാജ്യത്ത്​ 14,545 പേര്‍ക്ക്​ ​കൂടി ​പുതുതായി കോവിഡ്​ സ്​ഥിരീകരിച്ചു. 163 മരണവും റിപ്പോര്‍ട്ട്​ ചെയ്​തു. 24 മണിക്കൂറിനിടെ 18,002 പേരാണ്​ രോഗമുക്തി നേടിയതെന്നും ആരോഗ്യ മന്ത്രാലയം അറിയിച്ചു.

രാജ്യത്ത്​ ഇതുവരെ 1,06,25,428 പേര്‍ക്കാണ്​ രോഗം സ്​ഥിരീകരിച്ചത്​. 1,88,688 പേര്‍ നിലവില്‍ ചികിത്സയിലുണ്ട്​. മൂന്നുദിവസമായി രാജ്യത്ത്​ ചികിത്സയിലുള്ള വരുടെ എണ്ണം രണ്ടുലക്ഷത്തില്‍ താഴെയാണ്​.

1,02,83,708 പേരാണ്​ ഇതുവരെ രോഗമുക്തി നേടിയത്​. 96.78 ശതമാനമാണ്​ രാജ്യത്ത്​ രോഗമുക്തി നിരക്ക്​. 1,53,032 പേര്‍ക്കാണ്​ രാജ്യത്ത്​ ​േകാവിഡ്​ മൂലം ജീവന്‍ നഷ്​ടപ്പെട്ടത്​.

രാജ്യത്ത്​ ആദ്യഘട്ട വാക്​സിന്‍ വിതരണം പുരോഗമിക്കുകയാണ്​. ആരോഗ്യപ്രവര്‍ത്തകര്‍ക്കും മുന്‍നിര പോരാളികള്‍ക്കുമാകും ആദ്യഘട്ടത്തില്‍ വാക്​സിന്‍ ലഭ്യമാക്കുക. വ്യാഴാഴ്​ച 2,33,530 പേര്‍ വാക്​സിന്‍ സ്വീകരിച്ചു. 10,43,534 പേരാണ്​ രാജ്യത്ത്​ ഇതുവരെ വാക്​സിന്‍ സ്വീകരിച്ചതെന്നും ആരോഗ്യമന്ത്രാലയം അറിയിച്ചു.

കൊവിഡ് -19, പുതിയ വാര്‍ത്തകളും സമ്പൂര്‍ണ്ണ വിവരങ്ങളും അറിയാന്‍ ഇവിടെ ക്ലിക്ക് ചെയ്യുക

Comments

ഇവിടെ കൊടുക്കുന്ന അഭിപ്രായങ്ങള്‍ ഗോവാ മലയാളിയുടെതല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.

മലയാളത്തിൽ എഴുതുവാൻ ഇവിടെ ക്ലിക്ക് ചെയ്യുക.

This is Rising!